స్నేహితుల దినోత్సవము సందర్భముగా స్నేహము గురించి
సీ.
ఏ చెల్మినా శించి ఇంద్రుడు కాతర తక్షకు ప్రేమతో రక్ష సేసె /
ఏ నెయ్యమర్కజుఁ డెంచి యవనిజాత నరయించి చెలికాని యార్తి బాపె /
ఏ కూర్మిచే శౌరి యాకుచేలుని కౌగిలిపరవశించెనో లేమితొలఁ గ /
ఏ నెయ్యమును కోరి కానీను కౌరవుండంగదేశమునకు నధిపుఁ జేసె //
తే గీ. నట్టి చెలిమికి లేవులే యెట్టి జాతి /
భేదములు ఖేదమోదాదిభిన్న దశలు /
కలిమిలేముల విడువక కలసి మెలగి /
యుండు వారెపో మిత్రులీ యుర్విలోన
మిత్రులందరికి శుభాకాంక్షలు
క. నేనొ క వాసర వేళన్
చెన్నుగ నేఁబోవుచుండ చెంతన గంటిన్
వాల్గంటిని గంటిన్ కనినంతనె
తనువంత పరవ శమయ్యె తన్విన్ చూడన్
క. సుందరి కన్నులు కలువలు
సుందరి నగు మో ము పోలు చుక్కల ఱేనిన్ /
సుందరి నెఱి కురులు యిరులు
సుందరి నెన్నడుము గగన సుమమే కనఁగన్
క. సుందరి నాసిక సంపెఁగ
సుందరి వాతెఱ పగడపు సొగసును పోలున్
సుందరి కంఠము శంఖము
సుందరి మృదురావమందు సుధ లూరంగన్
ఆ.వె ఆమె చనులు మేలి బంగరు గిన్నెలు
ఆమె కనులు వికసిత జలజములు
ఆమె కౌను చూడ నంబర కుసుమము
ఆమె నడక చూడ నంచ గమన
www.krbaruva.blogspot.com
శ్లో. పుస్తకం వనిత విత్తం
పర హస్తం గతం గతః
అథవా పునరా యాతి
జీర్ణస్య , భ్రష్టాచ ,ఖండిశః
తా. పుస్తకము, ఆడది , సొమ్ము చే జారి వేరొకరికి స్వంతమైతే మరల
తిరిగి రావు. ఒక వేళ తిరిగి వచ్చిన చినిగి పోయి , చెడి పోయి గాని
సగము గాని వస్తాయి.
దీనినే తెలుగు పద్య రూపము లో వ్రాస్తే
ఇలా ఉంటుంది .
ఆ.వె. అందమైన వనిత, అరుదైన పుస్తకం
చేతి సొమ్ము పోతె చేర రాదు
తిరిగి వచ్చెనేని చెడినదౌ, చినుగును
సగమె వచ్చు కాదె జగతి లోన
డా. కోమలరావు బారువ.
శ్రీకృష్ణదేవరాయలు
సీ.
ఎవడు చెప్పినయట్టి కవనంబు రసిక రాజన్యుల నానంద జలధి దేల్చె
ఎవడు నుడివినట్టి కవనంబు పండిత పామరాదులకు నింపై చెలంగె /
ఎవడు వ్రాసినయట్టి కవనంబు 'సాహిత్య రసికులచెవులందు రసమునింపె /
ఎవడు పల్కినయట్టి కవనంబు విద్వత్ సభలయందు మిక్కిలి ప్రణుతి కెక్కె //
తే.గీ
నట్టి ఆముక్తమాల్యద యాంధ్ర దేశ
మందు కావ్యావతంసమై యలరు చుండె
నట్టి కావ్యమున్ రచియించి నట్టి *కృష్ణ*
*రాయలె పుడమి కవి రాజు రాజ రాజు*
అట్టి రాయల విరచిత కావ్య రాజ
మైన ఆముక్త మాల్యద యాంధ్ర దేశ
మందు చిరమగు యశస్సు పొంది నట్లు
చేసె శ్రీకృష్ణ రాయలు స్థిరముగాను
డా. కోమలరావు బారువ
రాయలు
ఆ.వె
రాజనంగ నతఁ డె వ్రాయ గలిగినట్టి /
కావ్య రాజము నతి శ్రావ్య ముగను /
రచన చేసినట్టి రాజన్యుడు, భువిని /
రాయలె కవి రాజు రాజ రాజు .
రాయల వారి కల్పన
తే.గీ మాలిక
తే.గీ మాలిక
మిన్ను తాకు సౌధములట చెన్ను మీర /
సోరణములు మూయఁగ చిక్కె తార లంట; /
ముత్యములబోలు నక్షత్రములవరుసలు
తరుణిముత్యాలదండతో తమకుగూడ
చిల్లులనుజేతు రచ్చటి చేడియలని
సూది పోట్లకు వెరచిన చుక్క లపుడు
నక్కె సరముల సందున చక్కగాను /
రాత్రి రతి కేళి నలసిన లలన లంత /
వాయుచర్చనుగోరి గవాక్షములను
తెరచినంతనె చుక్కలు తెరువు గనుచు
వేగ బాఱిన వట వినువీధి చేర
లలితశృంగారభావనాకలితమైన
రమ్య కల్పన చేసిన రాయలె భువి /
రాజు కవులందును మరియు రాజు లందు.
మిన్ను తాకు సౌధములట చెన్ను మీర /
సోరణములు మూయఁగ చిక్కె తార లంట; /
సూది పోట్లకు వెరచి న ; చుక్క లపుడు
నక్కె సరముల సందున చక్కగాను /
రాత్రి రతి కేళి నల సి న లలనలపుడు /
సోర్ణ గండ్లు తెరవ బాఱె జుక్క లనుచు /
రమ్య కల్పన చేసిన రాయలె భువి /
రాజు కవులందును మరియు రాజు లందు .
డా. బారువ కోమలరావు
రమ్య కల్పన చేసిన రాయ భూప /
అందు కొనుము మా శతకోటి వందనములు .
తే.గీ
కృష్ణ రాయల రసమయ కృతులు వినగ /
ముదము నొందెదరు రసికుల్ హృదయ మందు /
కృష్ణ రాయల భీకర దృష్టు లొలయ /
వెలవెల పారుదురు పరులు కలనమందు
తే .
ఎన్నొ యుద్ధముల్ చేసిపేరెన్నిక గని /
రాటు దేలిన కర్కశ రాణ్మణీవు /
ఆంధ్రకవులకెల్ల మిగుల యబ్బురంబు /
నీ కవనమరయఁ గ నవనీత మగుట.
కృష్ణ రాయ ! రణ కవన కీర్తి సాంద్ర.
ఆ.వె
అతివ అందమైన,న ద్వైతమైనను/
కవన రచన యందు ; కదన రంగ/
మైన నీకు సాటి యైన వారు గలరె?
ఈ జగాన జూడ కృష్ణ రాయ!
ఆ.వె
రాయలనఁగ నెవడు ? రాజులందు ఘనుఁ డు /
రాయ లనఁగ కవన రాయ డతఁడు /
విష్ణు చిత్తు కథను విరచించె ఘనముగా /
నాంధ్ర మందు కవులు హ్లాద మంద .
రాయల రచన
తే .
ఎన్నొ యుద్ధముల్ చేసిపేరెన్నిక గని /
రాటు దేలిన కర్కశ రాణ్మణీవు /
ఆంధ్రకవులకెల్ల మిగుల యబ్బురంబు /
నీ కవనమరయఁ గ నవనీత మగుట.
-కోమలరావు బారువ
శ్రీకృష్ణ రాయ కవి
ఆ.వె
కత్తి చేత బట్టి కదనంబు చేసెను /
కలము బట్టి చేసె కావ్య రచన /
కదనమందు మరియు కావ్య రచనయందు /
ఘనుడు కృష్ణ రాయ కవి వరుండు .
