వినాయక చవితి శుభాకాంక్షలతో స్వీయ రచన  22/8/2020 

గణపతి ప్రార్థన. 

గీత మాలిక 

మేఘ వర్ణాభ నీలంపు   మేని తోడ /

కేతుభా రావ భయదమౌ గీఁక తోడ /

తటిత సదృశ తళుకు  దంతముల తోడ /

వర్ష ధార  పగిది మద వారితోడ /

వృష్టి వేళనాఁ జను కరి వేల్పుఁ గొల్తు / 

ననిశమునభీష్ట సిద్ధికి నార్తి తోడ. 

( ననిశమున్ విఘ్న శాంతికి నార్తి  తోడ ) 

*** నన్నె చోడుని పద్య భావన స్ఫూర్తితో ***

ఆభ  =పోలిక , మేచక = నల్లని , కేతుభము = మేఘము , ఆరావము= ధ్వని, గర్జన , తటితు = మెఱుపు , గీఁక = ఘీంకారము , ( ఘీంకారము - ప్రకృతి , గీఁక వికృతి ), అనిశము = ఎల్లప్పుడు, నిత్యము .

భావము :-

మేఘము వలె నల్లని శరీముతో ,మేఘ గర్జనఁ బోలు ఘీంకారముతో , మెఱుపుల వంటి తళుకు మను దంతకాంతులతో, వర్ష ధారలాగ చెక్కిలి నుండి కారుతున్న మద జలము తో వర్షా కాలమువలెనున్న 

ఏనుగు వేల్పును కోర్కెలు తీరుటకు నిత్యము ఆర్తితో కొలిచెదను .