31, మే 2022, మంగళవారం

 ప్రపంచములో మనము అనేక రకముల పుష్పాలను చూస్తుంటాము.

వాటిలో పాటలి యొకటి పాటల పుష్పములు పుష్పిస్తాయి . కాని ఫలములనీయవట .

సహకారము పుష్పించి ,మంచి ఫలములనిచ్చును.

పువ్వులుంటాయో ఉండవో తెలియదు కాని పనస మనకు మంచి రుచికరమైన పండ్లనిచ్చును

అదే విధముగా మనుషులలో కూడ అనేక స్వభావాలు కల వారుంటారు

కొందఱు ఉంటారు కాని ఎదుటి వాడికి ఉపయోగపడరు పాటల వలె.

మామిడి బాగా పుష్పించి మనకు మనకు ఫలములనిచ్చునుచెప్పినది చేసే కొందఱ వలె .

చెప్పకుండగనే ఎదుటి వాడికి మేలు చేసేవారుంటారు కొందఱు పనస వలె . పనసకు పువ్వులు ఉంటాయో లేదోతెలియదు కాని మనకు మంచి ఫలములనిచ్చును .


దీని గురించి  ఒక పద్య సుమము .


.వె 

ఫలము లివ్వలేదు పాటలి పుష్పించి /

సత్ఫలమ్ములను రసాల మిచ్చు /

పనస చెప్ప కుండ ఫలములె యిచ్చును /

పురుషులుంద్రు  కొన్ని పువ్వు లట్లు . 



దీనికి ప్రేరణ డాదక్షిణామూర్తి గారు చెప్పిన కొన్ని చెట్ల స్వాభావ విశేషము .

వారికి నా ప్రత్యేక కృతజ్ఞతలు .


డాకోమలరావు బారువ. 29/5/2022

22, మే 2022, ఆదివారం

 కృష్ణ గీత 

.వె

మనిషి యెటుల భువిని మనఁగ వలయునట్టి /

బోధ చేసి మనకు ముక్తి నొసఁగు /

భక్తి కర్మ యోగ భాష్య సారాంశ మే /

 కృష్ణ దేవు యొక్క గీత యనఁగ .


డాకోమలరావు బారువ 22/5/2022


11, మే 2022, బుధవారం

 



అమ్మ 

.వె 

అమ్మ లేని యింట హాయి లేనే లేదు /

అమ్మ యున్న యింట నన్ని యుండు /

అన్ని చోట్ల బ్రహ్మ అవతరించను లేక /

అమ్మ సృష్టి జేసె నంత బ్రహ్మ .


.వె 

బ్రహ్మ కన్న మిన్న రక్తమిచ్చిన యమ్మ 

బ్రహ్మ సృష్టి జేసి వదలి వేయు 

పెంచి పెద్ద జేసి విద్య బుద్ధు లు జెప్పు 

అమ్మ బ్రహ్మ కంటె నరయ పెద్ద.


.వె 


మూఁడు రెండు సార్లు పుడమి తిరిగినట్లు /

వేయి పదులు కాశి వెళ్ళి నట్లు /

కదిసి నూఱు మార్లు కడలి మునిగినట్లు /

తల్లి కొక్క మాఱు దండ మిడుట .


కోమలరావు బారువ 9/5/2022