శీర్షిక -  గాన గంధర్వుడు "బాలు" 

తేటగీతి .

నలుబది పదినూఱు లగు  పాట లవలీల /

పాడి కోట్ల యెడందలఁ బరవశమ్ము /

చేయఁ జాలినట్టి మహిత గాయక మణి /

యస్పి బాలు గంధర్వుఁడ రయఁగ మహిని . 

తేటగీతి .

తెలుగు భాష లోనే కాదు దేశ భాష /

లందు పాడి , యందరి మెప్పు లందు కొన్న 

బాలు' యనెడి సుబ్రహ్మణ్య వాణి యీ జ/  

గాన  వినలేము తత్సముఁ  గనఁగ  లేము 

.. కోమలరావు 

అమర గాయకుడు,

నీ గళానికి గగనమే హద్దు 

నీలాంటి గళము వినటము మరల కద్దు 

నీ పాటంటే ఆంధ్రులకు ముద్దు 

నీ మాటలే అందరికి సుద్దు (లు) = సూక్తులు 

తెలుగు సంగీత సామ్రాజ్యానికి ఏలిక 

నీ వంటి గాయకుడు తెలుగున రాడిక 

సంగీత వినీలాకాశాన నీవు తారక 

 నీ సాటి గాయకుడు మాకు లేడిక 

ఆంధ్రుల అమర గాయకా 

అందుకో మా కన్నీటి నివాళిక 

సెలవు భువి నుండి నీకిక 

--కోమలరావు 25/09/2020