తెలుగు లెస్స: డిసెంబర్ 2011

13, డిసెంబర్ 2011, మంగళవారం

సెల్ ఫోను

సెల్ ఫోను

తే.గీ .కరమున మిగుల గుట్టుగ సరిగ నమరి
పలు రకమ్ముల లభ్యమౌ పరికరమ్ము
ఎల్లలను దాటి తా కల్పు నెల్లజనుల
తంతి రహితమ్ము చరవాణి ధన్యతమము

ఆ.వె పాట ఆట దేశ వార్తల వినిపించు
చెవుల కింపు గూర్చు చవుల దీర్చు
మేర మీరి వాడ మేధావి నాశమ్ము
మేలు కీడు లిందు మేళవించు

తే.గీ. సెల్లు కొన్న నాడు కలుగు థ్రిల్లు హెచ్చు
బిల్లు కట్టగ జేబుకు చిల్లు పడును
ఫోను బిల్లు హెచ్చి తడిసి మోపుకాగ
ఈ మొబైలదేలని జనుల్ ఈసడింప

సెల్లు ఫోను ( contd)

ఆ.వె

చేత డబ్బు లేని స్థితియున్నవేళలో /

ఫోనుకలిగెనేని పొసగు పనులు /

అన్ని వేళలందు అక్షయపాత్రరా /

నేటి స్మార్టు ఫోను మేటి గాను .

ఆ.వె

క్రొత్త ప్రాంతమందు కూరిమి మిత్రుడు/

కారు పయనమందు దారి చూపు /

నేటి ఫోను కంటె స్నేహితుడెవ్వడు /

దాని మహిమ పొగడ ధాత తరమ !

3, డిసెంబర్ 2011, శనివారం

గజార్తనాదం

   Parody padyam

     గజార్తనాదం
శా.లావొక్కింతయు లేదు ధైర్యము విలోలంబయ్యె ప్రాణంబులున్

   ఠావుల్ త ప్పెన్ మూర్చ వచ్చెన్ తనువున్ దస్సెన్ శ్రమంబయ్యెడిన్

   నీవే తప్ప నితః పరంబెరుంగ మన్నింప దగున్ దీనులన్

   రావే ఈశ్వర   కావవే వరద సంరక్షించు భద్రాత్మకా

     జనార్తనాదం
. *లావొక్కింతయు లేదు **ఆర్డరు విలోలంబయ్యె ప్రాణాలకు

   న్వారంటీ కరవాయె మద్యం హెచ్చె మాఫియ రెచ్చె, క్రిమినల్స్ హెచ్చెన్

   ఉయ్ నో నన్నదర్దేన్ యు మన్నింప దగున్ దీనులన్

   కమాన్ ఈశ్వర సేవ్ అజ్ వరద ప్రొటెక్టజ్ భద్రాత్మకా

*Law,,** we know non other than you