శ్లో 

హసంతీం చ హసంతీం చ

హసంతీం వామలోచనామ్

హేమంతే యే న సేవన్తే

తే నరా దైవవంచితాః

గీ. 

నిప్పు మండెడు కుంపటిన్ , కప్పు కొనెడి/

దుప్పటిన్  వామలోచనా  గొప్ప  పొందు /

శీత వేళల కోరని జీవుడెందు /

భాగ్య హీనుడు పరికింప పదుగురందు . 

దీనిలో హసంతీ శబ్దం

మూడుమార్లు ప్రయోగించబడింది.ఒకదానికి కుంపటి,మరొకటి కంబళి,

మూడవదానికి నవ్వుతున్నఅనే విశేషణార్థం.

తా. 

కుంపటినిగాని, కంబళినిగాని

నవ్వుతూన్న అందమైన కన్నులున్న

యువతినిగాని చలికాలంలో ఎవరు ఆశ్రయించరో,

వారు దురదృష్టవంతులు - అని చెబుతున్నాడు కవి.