శ్లో 

హసంతీం చ హసంతీం చ

హసంతీం వామలోచనామ్

హేమంతే యే న సేవన్తే

తే నరా దైవవంచితాః

గీ. 

నిప్పు మండెడు కుంపటిన్ , కప్పు కొనెడి/

దుప్పటిన్  వామలోచనా  గొప్ప  పొందు /

శీత వేళల కోరని జీవుడెందు /

భాగ్య హీనుడు పరికింప పదుగురందు . 

దీనిలో హసంతీ శబ్దం

మూడుమార్లు ప్రయోగించబడింది.ఒకదానికి కుంపటి,మరొకటి కంబళి,

మూడవదానికి నవ్వుతున్నఅనే విశేషణార్థం.

తా. 

కుంపటినిగాని, కంబళినిగాని

నవ్వుతూన్న అందమైన కన్నులున్న

యువతినిగాని చలికాలంలో ఎవరు ఆశ్రయించరో,

వారు దురదృష్టవంతులు - అని చెబుతున్నాడు కవి.

 శ్లో 

న చోర హార్యం, న చ రాజ హార్యం, 

న భ్రాతుర్విభాజ్యం,న చ భారకారీ, 

వ్యయే కృతే వర్ధతేయేవ  నిత్యం, 

విద్యా ధనం సర్వధన ప్రధానం

ఆ.వె 

దొంగ వాడు , రాజు దోచుకోలేనిది /

అన్న దమ్ము లెవ్వ రడుగ రారు /

భార కారి  కాదు ; వ్యయముచేయ పెరుగు /

సర్వ ధనము లందు చదువు గొప్ప 

- డా. కోమలరావు బారువ 

 దీపావళి శుభాకాంక్షలు 

గీ. 

ద్వాపరమ్మందు నరకుడన్ ధరణి సుతుఁడు 

సాధు వుల గాసిపెట్టు నిశాటుఁ డుండు /

వాని పోకార్చె  హరి సత్య భామతోడ /

అదియె దీపాల పండుగై యలరె జగతి .

డా.కోమలరావు బారువ 

క. 

ప్రమదలు ప్రమిదలు చేకొని /

ప్రమదం బొప్ప వెలిగించె భ్రాజిత లీలన్ /

ప్రమదామణి  సాత్రాజితి 

సమరా టోపపు వెలుగులు జయవెట్టంగన్ .

12/11/2023