భార్య 

ఆ.వె 

భార్య భారమనుచు భావించకెప్పుడు/

కష్ట సుఖము నందు  కలిసి యుండు /

విధి యొసంగి నట్టి    ప్రియ వయస్య పతికి /

ఆధి వ్యాధు లందు నౌషధంబు .

డా. కోమలరావు బారువ  11/9/2021

ఆ.వె 

కాల మహిమ చేత  నాలి తీరది మారు/

కాలు  తరమె దాట   కాల మహిమ /

కాలు డైన నేమి  కాలాంతకుండైన /

ఆలి మీరి బ్రతుక  జాల గలడె.

కాలుడు = యముడు 

కాలాంతకుడు= శివుడు. 

-కోమలరావు

[9:08 AM, 7/12/2021] 

ఆ.వె

ఆలి లేని బ్రతుకు పేలవమైతోచు

ఆలి తోటి బ్రతుకు మేలు కూర్చు 

ఆలి యున్న వేళ  నాదరించకయున్న 

ఆలి పోయి నాక డీలు పోవు