గణపతి 

తే.గీ 

పసుపు ప్రతిమ యుసురు పొంది పాప డయ్యె /

వాడు శిరము పోయి  కరి వదను డైన  /

కరి ముఖుండు విఘ్నముల పో కార్చి సతము /

సకల జగముల రక్షించి సాకు గాక .

 భార్య 

ఆ.వె 

భార్య భారమనుచు భావించకెప్పుడు/

కష్ట సుఖము నందు  కలిసి యుండు /

విధి యొసంగి నట్టి    ప్రియ వయస్య పతికి /

ఆధి వ్యాధు లందు నౌషధంబు .

డా. కోమలరావు బారువ  11/9/2021

ఆ.వె 

కాల మహిమ చేత  నాలి తీరది మారు/

కాలు  తరమె దాట   కాల మహిమ /

కాలు డైన నేమి  కాలాంతకుండైన /

ఆలి మీరి బ్రతుక  జాల గలడె.

కాలుడు = యముడు 

కాలాంతకుడు= శివుడు. 

-కోమలరావు

[9:08 AM, 7/12/2021] 

ఆ.వె

ఆలి లేని బ్రతుకు పేలవమైతోచు

ఆలి తోటి బ్రతుకు మేలు కూర్చు 

ఆలి యున్న వేళ  నాదరించకయున్న 

ఆలి పోయి నాక డీలు పోవు 

 

భానుమతి 

ఆ.వె 

భాను మతిని చూడ భావముప్పొంగులే /

పాట వినగ మనసు పరవశించు /

భాను మతియనంగ బహుముఖ నైపుణీ /

తెలుగు చలన చిత్ర వెలుగు దివ్వె /

 గురు పూజ 

గురుః బ్రహ్మ గురుః విష్ణు     

గురు దేవో మహేశ్వరః           

గురు సాక్షాత్ పరం బ్రహ్మ     

తస్మై శ్రీ గురవే నమః           

--

ఆ. వె. 

అరయ గురువు బ్రహ్మ యండ్రీ  జగతి లోన /

భువిని గురువు శ్రీధవుండు నెంచ /

చూడ నొజ్జ మరియు శూలపాణి పృథివి /

గాన గురుని  పూజ ఘనత మనకు .

గురువు నేర్పిన విద్యలు కూడు బెట్టు

గురువు నేర్పిన విద్యలు   గుణము నిచ్చు 

జ్ఞాన ఖనియైన  గురువు చే జ్ఞాన మబ్బు 

కాన  దేవుడు గురువే  జగాన చూడ 

డా .కోమలరావు బారువ