మిత్రుల గురించి పద్యాలు .

డా. విజయ 

ఆ.వె.

విద్య లెన్ని నేర్వ విఱ్ఱ  వీగదు తాను/

మిత్రులన్న ప్రాణ మిచ్చుఁ దాను/

రోగులందఱ మఱి బాగుగా చూచేటి/

వినుత వైద్య రత్న ' విజయ ' చాణ. 

మణి కుమారికి శుభాభినందనలు 

తే.గీ 

అరువది సమముల్  నిండిన యతివ *మణికి* /

భావి కాలము సుశ్లోక  భాజనమయి /

ఆయు రారోగ్య సంపన్న మై యలరుచు /

వర్ష శతములు  పతితోడ వరలు గాక .

సమము = సంవత్సరము 

శ్లోకము  = కీర్తి 

వర్ష శతములు = నూరేండ్లు 

కోమలరావు 22/5/2021

 బి. వి. యం ప్రసాద్ కి షష్ఠి పూర్తి శుభాకాంక్షలతో 

ఆ.వె. 

చదువులందు తనకు యెదురులేదను వాఁడు /

పరుగు లందు తనకు తిరుగు లేదు/

 'మూవి' లన్న  నెపుడు ముందుండు సోగ్గాడు /

మిత్రు లన్న ప్రాణ మిచ్చు వాడు /

ఆరు పదులు దాటు యందగాడు 'బివియం'/

వరలు లే సుఖముగ వంద యేళ్ళు .

- కోమలరావు బారువ 28/5/2021

పి వి సుధాకర్ .

ఆ. 

ఆట పాటలందు నందె వేసిన చేయి /

చదువు  లందు తాను మొదట నుండు /

నాటకములు వేయ  పోటీ పడునెపుడు /

వైద్య సేవ లందు విసుగడెపుడు /

పేరుకు తగినట్టు విమల తేజుఁడు 'సుధా

కరుని' యశము వెల్గు కడ వరకును .

డా. కోమలరావు