ఘంటసాలకు నీరాజనం

బలే మంచి రోజు పసందైన రోజు.          4/12/2012

వసంతాలు పూచే నేటి రోజు

ఘంటసాల పుట్టిన రోజు 

గాయకులకు పండగ రోజు

గంధర్వడు పలికిన రోజు 

ఇల గానం కురిసిన రోజు

పుడమినున్న గాయకులంత  

పులకరించి పోయిన రోజు

అందమైన పాటల రోజు

ఆంధ్రావని  అలరిన రోజు

తేనెపలుకులు చిలికిన రోజు

తెలుగు తల్లి మురిసిన రోజు

నిన్నుగన్ననీ తల్లి. 

 ధన్య జీవిగ వెలిగిన రోజు

ఎయిడ్సు రోగం రచన : డా. కోమలరావు బారువ 

తే.గీ. 

శ్రీలు విలసిల్లు. సిక్కోలు -ప్రోలు నందు/

మనుజులెవ్వరు మసలని మాడి మీద/

క్షయ , ఎయిడ్సు విరేచన కారకాలు /

చేసె వార్షిక రోగ విశ్లేషణమ్ము. 

వ.

ఆ సభలో వాటికి తమలో నేను గొప్ప అంటే నేను అని వాదన జరుగ నప్పుడు 

 ఎయిడ్సు వైరస్ మీ అందరికికన్న పరికింపఁగ నేనే గొప్ప యని నుడువఁగ దానికి

మిగిలిన జీవులు ఋజువులేమని ప్రశ్నించ నప్పుడు ఎయిడ్సు వైరస్ యిట్లు చెప్పఁదొడంగె .

ఆ.వె . 

యక్ష్మమునకు  భువి క్షయము కల్గు మందుచే /

నాకు క్షయము లేదు మీకు మాడ్కి /

ప్రాణ హాని లేదు పరికింప మీ వల్ల /

ఉసుఱుపోవు నాదు విసము కతన .

వ.అనవుడు నీవు మనిషి శరీరము లోనికి ఎలా ప్రవేశిస్తావు,నివారణ ఏమైన ఉన్నదాయని యడుగఁ నది యిట్లనియెన్ 

కం.

వెలదుల పొందున,సూదుల/

వలనన్,వాడిన సిరంజి వాడుట  వలనన్/

వలసిన రక్షణ లేమిన్/

కలిగింతు నెయిడ్సు జబ్బు కాముకులకిలన్.

వ.మరి నివారణ యెటుల 

కం. 

వాడకు మితరుల రేజరు/

బ్లేడుల,సూదుల ,సిరంజి , బేండెజులెందున్/

వాడుము తప్పక కాండొం/ 

వీడుము పరసతుల పొందు వేడుకకైనన్.

కం. 

వీడకు కులసతి కౌగిలి/

కూడకుమెప్పుడు పనివడి కులటల పొందున్ /

కూడదు సంపర్కమ్బిల/

పేడుల ; నిజ సతుల పొందు వీడకుమెపుడున్ .

రక్తదానం

ఆ.వె  అదొక పాఠశాల అందొక ఒజ్జ బో

        ధనము చేయు చుండె రక్త దాన 

        గరిమ బాలబాలికలకు విశదముగ

        చెవులకు మనసులకు యింపు గొలుప

  

తే.గీ.   ఆకలికి కొంత తడవైన తాళవచ్చు

          చూపు  లేకున్న  తడవుచు పోవ వచ్చు

          రోగమొచ్చిన బాధ కు నోర్వ వచ్చు

          బహుళ రక్తస్రవణమైన  బతుక తరమె

కం.    ఆకొన నన్నము నొసగుట

        చీకునకున్   చేయిదోడునిచ్చుట వింతౌ

        నే?కాదు క్షతగాత్రుకు(

        మీకాయమునుండి నెత్తు రిచ్చుటమేలౌ

కం.దానమునొసగిన నెత్తురు

     దానంతన వచ్చి చేరు  నారికడము లో

     పానీయముకరణి ,చెలమ

     లోని జలము వోలె మీరు సుఖముగనుండన్