పాపము పోస్టు మేను
తే.
ఒకరి వార్త లింకొకరికి ఓర్పు తోడ
ఎండ వానయనెడి భేద మేమి లేక
ఉత్తరాలనందించెడి ఉత్తముండు
పుడమి లోని నలువపట్టి 'పోస్టు మేను ' .
*నలువ పట్టి = నారదుడు .
తే .
మూట కట్టిన జాబులు మోసికొనుచు /
పేట పేటకు తిరుగుచు పేరు పిలిచి /
జాబు లందించుచుండెడి జంత్ర గాడు /
పోస్టు మేను కదా మన పుడమియందు .
జంత్ర గాడు =machine వంటి వాడు
తే.
వార్తతో లేదు వీనికి బంధమెపుడు /
అశుభ మా శుభమా యను ద్యాస లేదు /
వార్త చేరవేయుటయందు కర్త యితడు /
అతడె పోస్టుమేను జగతి నరసి చూడ .
తే.
చదువు రాని వారికి తానె జాబు చదివి /
బంధుల కబురులు తెలుపు బంధువతడు /
వారొసఁగు దానితో తృప్తి పడెడి వాడు /
'పోస్టుమేను' కనుమరుగై పోయె నేడు .
డా. కోరా 27/10/2024
