ఆ. 

అమ్మ ,చెల్లి, యాలి, అక్క యౌ మగువను /

మనిషి మరువ రాదు మనమునందు /

శక్తి   వోలె యింట సకల రూపములెత్తు /

ఆది శక్తి యతివ యరసి చూడ.

డా. కోమలరావు 

 రష్యా పై యుక్రెయిన్ సాహసము 

తే. 

తన బలమెరిగి తలపడ తప్పుకాదు  /

ఎదిరి  శక్తి నరసి పోరు టెందు నీతి /

పరుల మాట నమ్మి పగర పై కరుగట  /

పాడి కాదు ప్రపంచాన ప్రభువు కెపుడు .

తే. 

*కర్ణు*  బలముజూచియ కాదె *కౌరవాగ్ర* 

జుండు తొల్లి రణములోన పాండు సుతుల 

పోరె ; నవ్విధి   *జెలనస్కి*  పోరె నేడు

రష్య తోడ *వెస్టు* బలము లావు జూచి 

-డా. కోమలరావు 19/3/2022 

-డా. కోమలరావు 8/2/2022

 భార్య 

ఆ.వె 

భార్య భారమనుచు భావించకెప్పుడు/

కష్ట సుఖము లందు  కలసి యుండు /

విధి యొసంగి నట్టి    ప్రియ వయస్య పతికి /

ఆధి వ్యాధు లందు నౌషధంబు.

డా. కోమలరావు బారువ  11/9/2021