దత్తుడు
తే.
అత్రి పుత్ర సంతానమై అధికమైన /
తపము చేయ త్రిమూర్తులాతనినియతికి /
సంత సించఁగ విష్ణునాంశమున పుట్టె /
దత్తుడార్తులయెడ వరదాయియగుచు .
తే.
వేదములు శునకములయి వెంట తిరుగ /
మూడు శిరములతోడ త్రిమూర్తి రూపు /
డైన ఉన్మత్త వేషుని జ్ఞాన రూపు /
లోక గురుని దత్తునకేను మ్రొక్కులిడుదు .
దత్త జయంతి సందర్భముగా అందరికి శుభాకాంక్షలు ..
4/12/2025
ఆ.వె
వంద యేండ్ల వయసు వైద్య కళాశాల /
ఎన్నొ వైద్య మణుల కన్న తల్లి /
ఆంధ్ర వైద్య శాల అరుదైన కాలేజి /
వెజ్జు విద్య యందు నొజ్జ బంతి .
వెజ్జు = వైద్యుడు .
ఒజ్జబంతి =. ఒరవడి, మేలుబంతి, విద్యార్థులు చూసి రాయటానికై ఉపాధ్యాయుడు రాసే పంక్తి. (ముందు వరుసలో నుండుట )
శత
సీస మాలిక
సంజీవ నాముఁడు శవ శాస్త్ర మున దిట్ట , ప్రిన్సిపాల్ పదవిలో పేరుమోసె /
కందులాన్వయసోమ సుందరాచార్యుని పిజియాల్జి బోధనల్ వినఁగ నొప్పు /
పార్మకాలజి చెప్పె పడతి యా నిర్మల తెలుగు సామెతలెంతొ తేజరిల్లె /
సర్జను పిచ్చయ్య స్వార్ధములేని యాచార్యుఁడు మునివోలె సజ్జనుండు /
వీరభద్ర వరుని వివరణాత్మక బోధ శస్త్ర చికిత్స లో సానబెట్టె /
స్వారాజ్య లక్ష్మి సోషల్ ప్రివెంటివు శాస్త్ర బోధన మమ్మల్ని బుధుల జేసె /
.
*ఎన్ టియస్ *హెచ్చారు లెందరో వైద్యుల పాఠముల్ విని బుద్ధి పరిఢ విల్లె /
తే. గీ
వారు నడయాడి నట్టి యీ వైద్య బోధ /
నా నిలయమిప్డు వందేడ్లు రాణ మీర/
నిండినతరుణమందు నా పండిత వరు /
లందర స్మరింతును త్రిశుద్ధి డెందమలర .
నయనికకు శుభాశీస్సులు 27/7/2025
తేటగీతి
బారువోద్యానవనములో పాదుకొన్న/
మహిత వల్లి మా చిన్నారి మనుమరాలు /
నయనికకు తాత నాన్నమ్మల ( అమ్మమ ల) యతులమగు /
దీవెనలివియె పుట్టిన దినము నాడు
On the eve of birthday of grand daughter NAINIKA
who is born in the garden of Baruva
family wishing blessings on behalf of Grand parents
